Ұзынкөл ОКЖ

Мамыр айының 8-ші жұлдызында орталық кітапханада Ұлы Жеңіс күніне орай өткен кездесу Ұлы Отан соғысы ардагерлері мен тылға қатысқан жауынгерлерге арналған. Бұл кездесуге аудандық «Нұрлы Жол» ХДП төрағасының орынбасары Н.С. Болатов, ішкі саясат бөлімінің басшысы Қ.Н.Қабілденова, ардагерлер кеңесінің төрайымы С.Ж.Ережепова және №1,2 Ұзынкөл орта мектебінің оқушылары қатысты. Ауданымыздан арнайы шақырылған П.П.Пожидаев, М.И.Кернер, А.М.Герасименко, М.К.Черныки, М.П.Романенко сынды ардагерлеріміз бүгінгі ұрпақпен кездесіп, қатыгез соғыс жылдарында өткізген суық күндері мен түндері жайлы ойлармен бөлісті. Ардагерлерге сый – сияпат ретінде «Священная война» атты ән орындалып, жүргізушілер соғысқа қатысқан ардагерлерге шолу жасап, әрқайсысының өмірбаяндарын қысқаша айтып берді. №2 Ұзынкөл орта мектебінің оқушысы Нұргүл Утинованың «Әлия» атты орындаған әні көрермендерді тамсандырды. Н.С. Болатов, ардагерлер кеңесінің төрайымы С.Ж. Ережепова ардагерлерге тілектерін айтып, жылы лебіз білдірді. Ішкі саясат бөлімінің басшысы Қ.Н.Қабілденова ардагерлерге «Олар жеңіспен оралды» атты кітап сыйлады. Кездесудің соңында жиналған барша қауым ардагерлермен естелікке суретке түсіп, ақ дастарханнан дәм татуға ардагерлеріміз шақырылды.